--> -->
Spyskaart +

#STOPKWOTAS

Maart 6, 2019 deur Leomar van Schalkwyk

 

AfriForum wys sy misnoeë oor kwotas soos volg: 

AfriForum Jeug gee Suid-Afrikaanse Skoleatletiek (SASA) uitklophou oor rassekwotabeleid.

AfriForum rig ope brief aan SuperSport oor sportkwotas.

AfriForum, Solidariteit dien klag teen rassekwotas by Wêreldrugby se hoofkantoor te Dublin in. 

AfriForum, Solidariteit dien klagtes teen rassekwotas by die INF en EP in. 

AfriForum, Solidariteit dien klag teen rassekwotas by IOK en IAAF in. 

Waar staan ons tans:

As deel van AfriForum en Solidariteit se gesamentlike veldtog teen die gebruik van kwotas in sport gaan Solidariteit op 6 Maart in die Johannesburgse arbeidshof argumenteer dat die transformasiehandves tersyde gestel moet, wat die implementering van sportkwotas by verskeie sportliggame sal beëindig.

AfriForum is van mening dat dié handves se wyse van rasseklassifikasie op dieselfde indeling gebaseer is as waarop mense in die destydse apartheidsera geklassifiseer is. Die numeriese teikens wat die sportfederasies daargestel het, is uitsluitlik gebaseer op die Suid-Afrikaanse samelewing se rasseprofiel. Dit is, met ander woorde, absolute kwotas wat in direkte konflik met die Grondwet is.

AfriForum en Solidariteit het in Maart 2017 ingevolge die Wet op die Bevordering van Toegang tot Inligting (PAIA) die departement van sport en rekreasie gedwing om inligting rakende sy transformasieteikens in sport bloot te lê. AfriForum en Solidariteit het op grond hiervan op 2 Mei 2017 hofstukke beteken wat die Suid-Afrikaanse Rugbyunie (SARU), Krieket Suid-Afrika (KSA), Atletiek Suid-Afrika (ASA) en Netbal Suid-Afrika (NSA) uitdaag om hul ooreengekome rassekwotas voor die arbeidshof te verdedig. Sportminister Tokozile Xasa sal ingevolge die transformasiehandves onder meer die mag hê om ’n sportfederasie se befondsing op te skort as sy ongelukkig is met rasseverteenwoordiging in die sportsoort.

AfriForum besef dat daar geen kitsoplossing bestaan vir die krisis van armoede en werkloosheid in Suid-Afrika nie, maar glo terselfdertyd dat die belangrikste komponent van die oplossing daarin gesetel is om die onderwysstelsel reg te ruk. Die ANC en die regering se ingesteldheid is egter dat die probleem opgelos kan word deur alle vlakke van die samelewing verteenwoordigend te maak van die nasionale demografie (met ander woorde ruweg 80% swart en slegs ruweg 8% wit). Dit word gedoen deur ’n kwotastelsel af te dwing op onder meer sportspanne. AfriForum verskil fundamenteel van hierdie benadering. Die kern van die verskil is dat die regering se voorgestelde oplossing (kwotas) ’n uitsetgebaseerde benadering is, aangesien dit bloot die statistiek oorweeg en dit dan as maatstaf gebruik om vas te stel of mense bemagtig is. AfriForum staan ’n insetgebaseerde benadering voor, waar die klem op opleiding en ontwikkeling is.

Apartheid was gebaseer op die idee dat die land nie uit ’n enkele nasie bestaan het nie, maar eerder uit vier rassegroepe. Die vraag is tans wat die kriteria vir rasseklassifikasies is en by wie lê die mag om rasse te klassifiseer.

Volgens Kallie Kriel, uitvoerende hoof van AfriForum, druis die toepassing van sportkwotas in Suid-Afrika in teen verskeie internasionale ooreenkomste wat Suid-Afrika onderteken en bekragtig het. “Dit is ironies dat die regerende party nou kwotas toepas terwyl hy in 1970 by internasionale liggame bepleit het dat sportlui op meriete beoordeel moet word. Ons staan dus steeds by die standpunt dat meriete die enigste faktor in die samestelling van sportspanne is.”

AfriForum sê NEE vir kwotas op alle terreine van sport. Ons wil dié onregverdige rassebeleid tersyde stel. Wys jou steun. SMS jou naam na 45113 (R1).

 

Verset jy jou teen kwotas?

Voeg dan jou naam saam met AfriForum se lys teen kwotas. Elke naam versterk die saak op ’n internasionale en nasionale vlak.

  • This field is for validation purposes and should be left unchanged.