Spyskaart +

Prioritisering van plaasmoorde: AfriForum gaan polisiehoof ontmoet

stop-moorde
April 2, 2016 deur afriministrator

AfriForum gaan op 4 Mei 2016 met lt.genl. Khomotso Phahlane, die waarnemende nasionale polisiekommissaris, vergader om die wyse te bespreek waarop plaasmoorde geprioritiseer kan word en hoe AfriForum hiertoe kan bydra. Dít volg op lt.genl. Phahlane se opmerking in die media vroeër vanjaar dat plaasmoorde groter prioriteit moet geniet.

“AfriForum beplan om nie net bepaalde voorstelle aan lt.genl. Phahlane te maak nie, maar om ook ’n petisie te oorhandig waarop meer as 100 000 beswaarde lede van die publiek eis dat plaasmoorde geprioritiseer word,” het Ernst Roets, adjunk uitvoerende hoof van AfriForum, gesê. “Dit is nóú die beste geleentheid om ’n werklike impak te maak, en dit is belangrik dat soveel moontlik lede van die publiek wat AfriForum se besware oor plaasmoorde deel, dié petisie onderteken. Dit is nie bloot ’n petisie wat in ’n asblik sal beland nie, maar ’n petisie wat op die lessenaar van die nasionale polisiekommissaris geplaas sal word.”

Geagte lt.genl. Phahlane,

Hiermee eis ek, die ondergetekende, dat plaasmoorde as proriteitsmisdaad verklaar word en as sodanig hanteer word.

Vir buitelanders teken die petisie hier.

  • Bepalings en voorwaardes geld.
  • This field is for validation purposes and should be left unchanged.

Jy kan ook jou steun verklaar deur jou naam na 32534 (R1) te SMS.