Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Projek Nehemia Mediaverklarings

Projek Nehemia: AfriForum bied veiligheidsopleiding in Hermanus aan

Deur 16/10/201902/11/2020

AfriForum se Projek Nehemia, ’n proaktiewe strategie teen geweldsmisdaad, is sterk op dreef in die Overstrand. Die burgerregteorganisasie het die afgelope naweek ’n twee dag lange opleidingsessie in Hermanus gehou, waartydens modules soos regsaspekte, patrollievaardighede, basiese inligting, gebiedsbeskerming en toneelhantering aangebied is.

Projek Nehemia het onder meer ten doel om vennootskappe met sleutelrolspelers te bou en gemeenskappe te bemagtig vir die doeltreffende bekamping van misdaad.

“Gemeenskappe moet self verantwoordelikheid vir hul veiligheid neem. As ons saamwerk, kan ons ons gemeenskappe proaktief beveilig. Projek Nehemia doen juis dít,” sê Johandré van Zyl, AfriForum se veiligheidshoof vir die suidstreek.

Van Zyl verduidelik dat die Nehemia-strategie die inherente operasionele vermoëns tussen verskillende gemeenskappe op doeltreffende wyse koördineer. Hy meen dat daar met Projek Nehemia se verskerpte gemeenskapintelligensieprojekte nóg meer proaktief teen geweldsmisdaad opgetree kan word.

Raak vandag nog by AfriForum se veiligheidstrukture betrokke: SMS “Veiligheid” na 32532 (R1).