Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

#OnsDorp-veldtog: AfriForum se Frankfort-tak knap begraafplaas op

Deur 04/12/201902/11/2020

AfriForum se Frankfort-tak het in Oktober en November 2019 die plaaslike begraafplaas opgeknap as deel van dié organisasie se #OnsDorp-veldtog. Die tak het aan die begin van die jaar ook die begraafplaas se gras gesny en vullis verwyder.

Die gras in die begraafplaas is weer mooi kort gesny, onkruid is verwyder en vullis is opgetel om seker te maak die begraafplaas is weer in ’n goeie toestand.

“Die tak doen uitstekende werk in Frankfort en ploeg baie terug in die gemeenskap. Dit is wonderlik om te sien watter groot verskil hulle in die gemeenskap maak,” sê Jp Nel, AfriForum se distrikskoördineerder vir die Hoogland.

“AfriForum se Frankfort-tak het besluit om dié projek aan te pak omdat dit volhoubaar is én die beeld van die dorp verbeter,” sê Johan Ungerer, voorsitter van AfriForum se Frankfort-tak.

Die tak het vanjaar verskeie volhoubare projekte aangepak en beplan om in 2020 hiermee voort te gaan en ook ’n paar nuwe projekte aan te pak. Daarom nooi die tak die gemeenskap graag uit om meer by hierdie tipe aksies betrokke te raak. Stuur ’n e-pos na jp.nel@afriforum.co.za of SMS “Frankfort” na 31481 (R1).