Spyskaart +

Noodfonds

Junie 8, 2017 deur Admin

AfriForum-noodfonds vir Knysna-ramp aangewend

Alet Rademeyer

Die burgerregte-organisasie AfriForum gaan sy noodfonds uitbrei ná die verwoestende veldbrande en storms in die Suid-Kaap wat minstens 10 000 inwoners van Knysna en ander woongebiede dakloos gelaat het.

AfriForum en die diensorganisasie Solidariteit Helpende Hand het pas aangekondig dat hulle bystand aan dié gebiede in die Wes-Kaap gaan gelewer wat deur die brande geteister word. Bydraes nou sal spesifiek hiervoor aangewend word.

“Ons wil mense aanmoedig om tot die fonds by te dra, want ons glo dat só ’n fonds meer mense bemagtig om ’n bydrae te lewer,” sê Ian Cameron, AfriForum se hoof van gemeenskapsveiligheid.

AfriForum het begin om in samewerking met provinsiale rampbestuurspanne addisionele punte te identifiseer waarheen hulpgoedere gestuur kan word. Die spesifieke items wat mense kan skenk, sal deur middel van sosiale media bekend gemaak word sodra ’n deeglike behoefte bepaling gedoen is.

AfriForum se noodfonds is vroeër vanjaar gebruik om meer as 200 bale geskenkte voer by boere in die Vrystaat af te lewer wat onder hewige droogtes gebuk gegaan het.

Die fonds is ook ingespan om water, wat regoor die land ingesamel is, by gemeenskappe in Calvinia uit te kry. Tydens fase een van dié projek is sowat 400 000 liter water, 300 bale voer en 100 sakke aartappels afgelewer.

Die fonds sal ook in die toekoms vir ander hulpverleningsprojekte aangewend word.

Jy kan op verskillende maniere ’n bydrae maak om te help:

– Mense wat bydraes tot AfriForum se noodfonds wil lewer wat nou vir Knysna aangewend word, kan inbetalings maak by:

Rekeningnaam: AfriForum NPC

Rekeningnommer: 62349898398

Taknaam: FNB Centurion

Takkode: 26155

Verwysing: KNYSNA

OF

– Jy kan ook R10 skenk deur jou naam na 38312 te SMS.

OF

– Skenkings kan by KragDag (15 tot 17 Junie 2017) by die Diamantvallei Landgoed by Rayton afgelewer word. Die grootste behoefte tans is vir onderklere, toiletware en skoolbenodigdhede.

OF

– Skenkings kan by AfriForum en Helpende Hand se hoofkantore in Centurion afgelewer word.

OF

– Skenkings kan ook by Solidariteit Helpende Hand-skenkingswinkels in die Suid-Kaap gemaak word. Die takke is:

Helpende Hand-skenkingswinkels in die Suid-Kaap

Riversdal

Kerkstraat, Riversdal

Barbara Erasmus

071 583 8099

oli4fanie@gmail.com

 

Swellendam

Ten Damme-winkelsentrum, Winkel 11, Voortrekkerstraat 27, Swellendam

Susan Booysen

082 355 4809

booysensusan@yahoo.com

Oudtshoorn

Kerkstraat 17, Oudtshoorn

Jeanette Kotze

073 140 9300

jeanette.kotze1@gmail.com

 

Beaufort-Wes

Colin Fraserstraat 17, Beaufort-Wes

Ursula Stassen

083 724 7240

ursula.stassen@westerncape.gov.za

 

Mosselbaai

Crookstraat, Mosselbaai

Kathy Lindeque

072 299 4524

kathy.lindeque@gmail.com

 

George

Marxstraat 42, George

Juliut Blom

084 250 8427

juliutb@gmail.com

 

Plettenbergbaai

Marinegebou, Plettenbergbaai

Salome J.v. Vuuren

083 299 2233

rudie_salome@polka.co.za


Die noodfonds is geskep om spesifiek boere in nood te help.