Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Artikels | Forum Nuus

Meer as 100 memorandums teen vlaag plaasmoorde en -aanvalle by polisiestasies regoor die land ingedien

Deur 21/11/201702/11/2020

Deur Jhua-Nine Wyrley-Birch

Meer as 100 memorandums waarin geëis word dat plaasmoorde deur die regering geprioritiseer word, is vandag by verskeie polisiestasies deur plaaslike AfriForum-takke landwyd ingedien.

Sowat 35 memorandums is óók by Suid-Afrikaanse ambassades in die buiteland ingedien.

AfriForum en Solidariteit, sowel as die landbou-unie TLU SA, die DA, die VF Plus en Cope het hul name by dié memorandum gevoeg.

Die organisasies het hulle ook almal daartoe verbind om deel te neem aan die massa-optog teen plaasmoorde wat vir Saterdag, 25 November, beplan is.

Daar sal om 10:00 vanaf die Pretoria Kunsmuseum na die Uniegebou gestap word om dié memorandum aan die staatspresident te oorhandig.

Dié burgerlike organisasie en opposisiepartye het vandag tydens ’n gesamentlike mediakonferensie in Centurion standpunt teen plaasmoorde ingeneem en ’n beroep op die Suid-Afrikaanse regering gedoen om dringend in te gryp om dié krisis te prioritiseer.

“Plaasmoorde is ’n nasionale krisis en dit moet as sodanig hanteer word. Die uniekheid van plaasmoorde regverdig ’n gefokusde teenstrategie, “ meen Ernst Roets, adjunk- uitvoerende hoof van AfriForum.