Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Artikels | Forum Nuus

Malema-saak tot Junie 2017 uitgestel

Deur 14/11/201602/11/2020

Die burgerregte-organisasie AfriForum se saak teen Julius Malema, omstrede leier van die EFF, ingevolge die Wet op Oproerige Byeenkomste is vandag in die landdroshof in Bloemfontein tot 5 Junie 2017 uitgestel.

Dit volg nadat Malema sy ondersteuners in Desember 2014 by ’n EFF-kongres in Bloemfontein aangemoedig het om grond landwyd te beset.

Volgens Nantes Kelder, hoof van ondersoeke by AfriForum, wil Malema ŉ aansoek by die hooggeregshof indien om die Wet op Oproerige Byeenkomste ongrondwetlik te verklaar.

Malema het ook vroeër die maand in die landdroshof in Newcastle, KwaZulu-Natal, op dieselfde klagtes verskyn nadat hy op 26 Junie vanjaar mense in Mdadeni aangehits het om grond te beset.

Sy prokureur, Tumi Mokwena, het tydens dié verhoor in Newcastle ook gevra dat die saak vir ses maande uitgestel moet word sodat sy regspan die aansoek om die Wet op Oproerige Byeenkomste ongrondwetlik te verklaar by die hooggeregshof kan indien.

Malema se motorbestuurder is ook vroeg vanoggend in Ventersburg in die Vrystaat in hegtenis geneem omdat hy na bewering teen 187 km/h gejaag het. Malema moes toe self verder hof toe bestuur.

Artikels | Forum Nuus

Forum Nuus: Dié week se Blitsflits

DeurMarthinus Koekemoer 02/12/202202/12/2022

AfriForum het vandeesweek deelgeneem aan die 15de sitting van die Verenigde Nasies (VN) se Forum vir Minderheidsaangeleenthede in Genève, Switserland….