--> -->
Spyskaart +

#VirSkole

Augustus 16, 2018 deur Mareli Rall

Voorgestelde veranderde regulasies vir Gautengse skole in 2019

 

Panyaza Lesufi, die Gautengse LUR vir onderwys, het sy veldtog teen skole met effektiewe beheerliggame (en ouers!) voortgesit nadat hy ʼn hofloesing in die Overvaal-saak gekry het. Sy voorgestelde wysigings aan die toelatingsregulasies van leerlinge by Gautengse skole is op 30 Julie in die Staatskoerant gepubliseer en is bloot sy manier om die Overvaal-uitspraak te omseil en sy transformasieagenda verder te voer.

AfriForum, die Skoleondersteuningsentrum (SOS) en Solidariteit beplan om duisende bekommerde ouers, onderwysers en lede van die publiek te mobiliseer om vóór 29 September hul kommentaar téén die regulasies in te dien.

Wat sal die gevolg wees indien dié regulasies ingestel word?

  1. Ouers sal nie meer kan kies in watter skool hulle hul kinders wil plaas nie. Ná die aanlyn-aansoekproses sal die LUR vir onderwys (Lesufi) alleen kan besluit watter kind in watter skool sal wees.
  2. Skole sal nie meer kan aandui hoeveel kinders hulle kan akkommodeer nie. Die LUR vir onderwys (Lesufi) gaan skole inlig hoeveel kinders ingeneem moet word. Beheerliggame kon voorheen die kapasiteit bepaal en daarvolgens werk, maar die nuwe regulasies stel Lesufi in staat om skole te dwing om leerlinge in te neem, ongeag of daar kapasiteit is of nie.
  3. Skole sal nie meer hul taalbeleid kan toepas nie. Omdat die LUR vir onderwys (Lesufi) leerders eensydig in skole plaas, word skole se taalbeleide in geheel verontagsaam. In praktyk sal alle skole dan uiteindelik enkelmediumskole met Engels as onderrigtaal word. Beheerliggame se besluitnemingsmag oor skole se taalbeleid word hierdeur effektiewelik weggeneem.

Lewer kommentaar en help ons om Lesufi te stuit

Aan wie dit mag aangaan

Met die voorgestelde regulasies vir toelatings wat op 30 Julie in die Staatskoerant gepubliseer is, wil die Gautengse LUR vir onderwys volle mag kry oor die plasing van leerlinge in skole hier. Sou die voorstelle aanvaar word, sal skoolgemeenskappe geen sê meer hê oor die taal en toelatingsbeleid van hul skool nie. Alle aansoeke en plasings sal sentraal deur die aanlyn stelsel en departementele amptenare beheer word. Dit kom neer op ’n diktatorskap oor skole en ontneem Beheerliggame van hul magte.

Ek sê:

  • dat ouers daarop geregtig is dat hul kinders by die skool van hul keuse ingeskryf en geplaas word;
  • dat dit in belang van gehalte-onderrig is dat klaskapasiteit deur die skool bepaal moet word en nie deur die departement se transformasieagenda nie; en
  • dat Afrikaans as moedertaalonderrigmedium in skole beskerm en bevorder moet word.

Ek dring daarop aan dat hierdie regulasies nie eens oorweeg mag word nie aangesien dit skole, as gemeenskapsinstellings, kaap. Beheerliggame, wat die gemeenskap verteenwoordig, se magte mag nie misken word nie. Bowenal is die kinders van ons land die ouers se verantwoordelikheid en mag nét hulle besluite oor hulle kinders se toekoms neem.

Ek sê beslis nee!

 

  • This field is for validation purposes and should be left unchanged.