Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Omgewingsake Mediaverklarings

COVID-19: AfriForum versoek Departement om hulp te verleen met waterprobleme

Deur 30/03/202002/11/2020

AfriForum het op 27 Maart 2020 ’n brief aan Lindiwe Sisulu, Minister van Menslike Nedersettings, Water en Sanitasie, gerig om haar departement dringend te versoek om tydens die COVID-19-pandemie aandag te gee aan verskeie waterkwessies waaronder gemeenskappe gebuk gaan. Dié brief volg nadat klagtes vanuit gemeenskappe ontvang is oor watertekorte en waterrade wat waterdruk verlaag weens wanbetaling deur munisipaliteite.

Gemeenskappe wat onder meer geraak word, is Sundra, Brits, Bloemfontein, QwaQwa, Kamieskroon en Klippunt.

“AfriForum het die waterrade versoek om die waterdruk van wanbetalende munisipaliteite vir tyd en wyl te verhoog sodat Suid-Afrikaners tydens die COVID-19-pandemie toegang tot water kan hê,” sê Lambert de Klerk, bestuurder van Omgewingsake by AfriForum.

AfriForum het ook sy kommer uitgespreek oor hoe belangrik dit is dat gemeenskappe juis in dié tyd toegang tot water moet hê.

“AfriForum is bereid om die Departement van Menslike Nedersettings, Water en Sanitasie waar nodig te ondersteun en sal ook enige ander probleme deurstuur wat onder die organisasie se aandag gebring word.”