Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

#AfriForumStaanSaam vir Skole: Projek skop af om honderde skole gereed te maak vir heropening

Deur 25/05/202002/11/2020

Die burgerregteorganisasie AfriForum skop vandag sy #AfriForumStaanSaam vir Skole-projek af om skole te help om gereed te maak vir heropening. AfriForum se gemeenskapstrukture en AfriForum Jeug het honderde sanitasiehulppakkette na skole regoor die land versprei, terwyl AfriForum se takke ook vandeesweek in alle erns begin om skole met reinigingsmiddel te ontsmet.

Die nood vir die pakkette en die ontsmetting het ontstaan nadat talle skole aangedui het dat hulle geen hulp van die staat ontvang nie, maar gereed moet wees vir die heropening vir gr. 7- en gr. 12-leerders op 1 Junie 2020.

Dié hulppakket voorsien skole van inligtingstukke; plakkate oor ’n veilige klaskamer en higiëne; ’n hulpbrongids vir ouers, onderwysers en leerders; elektroniese koorsmeters; asook handreinigers.

“AfriForum beskou hierdie pakkette as ’n noodsaaklikheid vir elke skool en daarom het ons besluit om uit te reik na skole in ons gemeenskappe wat nie deur die staat ondersteun word nie. Met hierdie pakkette behoort ons ook ’n mate van finansiële verligting aan hierdie skole te bied aangesien die koste met betrekking tot die ontsmetting van skole baie hoog is en talle skole sukkel om dit by te bring,” sê Carien Bloem, AfriForum se bestuurder vir Onderwys.

Volgens Johan Kruger, AfriForum se hoof van Gemeenskapsontwikkeling, vorm die #AfriForumStaanSaam vir Skole-projek deel van AfriForum se COVID-19-gemeenskapsplan om gesondheid in gemeenskappe gedurende die pandemie te bevorder. “Dit is geen verrassing dat die staat nie wil of kan help om skole gereed te kry vir heropening nie. AfriForum se takke spring nou in om gemeenskappe wat hulself wil help by te staan met hierdie belangrike stap om skole operasioneel te kry.”