Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum se Postmasburg-tak bekommerd oor riool in begraafplaas

Deurafriforum 13/08/201902/11/2020

Die AfriForum-tak in Postmasburg het op 13 Augustus 2019 ’n dringende skrywe aan die Tsantsabane Plaaslike Munisipaliteit gerig oor riool wat in dié dorp se begraafplaas uitvloei.

“Lede van die publiek het foto’s gestuur van rioolmangate wat oorloop en die riool dan in die grafte vloei. Dit is absoluut onaanvaarbaar en AfriForum eis dat die munisipaliteit onmiddellik optree. Ons geliefdes se ewige rusplek moet met respek behandel word – dit is ontstellend dat die begraafplaas al vir langer as ’n week só lyk en daar steeds nie opgetree is nie,” sê Gonda Louw, AfriForum se distrikskoördineerder vir die Kalahari.

“Dit is die munisipaliteit se plig om sowel die begraafplaas as die rioolwerke in stand te hou. AfriForum se Postmasburg-tak sal daarom voortgaan om druk op die munisipaliteit te plaas totdat hierdie probleem aangepak word,” sluit Louw af.