Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AfriForum se Oos-Rand-buurtwagte ontvang VBP-opleiding

Deurafriforum 03/09/201902/11/2020

Nagenoeg 57 lede van AfriForum se buurtwagte in Boksburg, Brakpan, Edenvale, Kempton Park, Germiston en Springs het op 28 Augustus 2019 voertuigbeheerpuntopleiding (VBP-opleiding) ontvang. Hierdie opleiding is in Kempton Park aangebied onder leiding van kol. Wouter Heyneke, ’n SAPD-reservis in Kempton Park.

Die opleiding het hoofsaaklik gefokus op toepaslike definisies, geregtelike vereistes, uitvoering en veiligheidsaspekte van SAPD-padblokkades. Die opstel, bestuur, logistiek, asook die korrekte prosedures om voertuie te demobiliseer, te deursoek en persone te visenteer – alles onder die leiding van die SAPD – is behandel.

Kol. Heyneke het klem gelê op die belangrikheid van gemeenskappe om toenemend by die geveg teen misdaad betrokke te raak.

“Die SAPD is so bekwaam en vermoënd as wat die gemeenskap hulle maak. Die gemeenskap is die oë en ore van die polisie.”

“Die opleiding was ’n reusesukses en bewys weer eens hoe belangrik gemeenskapsdeelname aan veiligheidsinisiatiewe in ons dorpe is. Hierdie vennootskap is onmisbaar en ons behoort dit daagliks te ontwikkel en uit te brei,” sê Gerhard Cilliers, voorsitter van AfriForum se Brakpan-tak.

Raak vandag nog by jou plaaslike AfriForum-buurtwag betrokke: SMS “Buurtwag” na 45342 (R1).

Gemeenskapsake Mediaverklarings | Mediaverklarings

Weskus-tak maak strand by Spreeuwalle skoon

DeurAfriForum 28/03/202328/03/2023

AfriForum se Weskus-tak het op 26 Maart soos oudergewoonte die strand by Spreeuwalle in Langebaan in samewerking met meer as…

Mediaverklarings

AfriForum veroordeel voorgestelde diskriminasie teen voormalige weermaglede

DeurAfriForum 06/01/202306/01/2023

Die burgerregteorganisasie AfriForum het vandag die voorgestelde wysigings aan die voordele van Militêre Veterane se pensioenregulasies 2022, soos gepubliseer vir…