Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AfriForum se Alberton-buurtwag spoor vermiste persone op

Deur 09/10/201902/11/2020

Die AfriForum-buurtwag in Alberton het op 8 en 9 Oktober 2019 in afsonderlike voorvalle twee vermiste persone opgespoor.

Dít volg nadat die buurtwag inligting op sosialemediagroepe geplaas het van ’n vrou wat op 6 Oktober 2019 as vermis aangemeld is. ’n Buurtwaglid het die vrou in die dorp se hoofstraat voor Pep gewaar waar sy items saam met twee mans probeer koop het. Die buurtwaglid het aan die betrokke partye gekommunikeer dat die vrou opgespoor is en sy is na die polisiestasie geneem.

’n Verdere sukses is dat ’n 14-jarige meisie gevind is nadat haar familie haar op 3 Oktober 2019 as vermis aangemeld het nadat sy van die huis af weggeloop het. ’n Lid van die buurtwag het haar in ’n veld gewaar, waarna haar familie in kennis gestel is. Sy is veilig aan haar geliefdes terugbesorg.

“Ek is geweldig trots op die AfriForum-buurtwaglede van Alberton wat te alle tye die veiligheid van gemeenskapslede op die hart dra. Voortdurende opleiding en die ontwikkeling van sekere vaardighede lei daartoe dat vrugte soos hierdie afgewerp kan word,” se Louis van Aswegen, voorsitter van AfriForum se Alberton-buurtwag.

Raak vandag nog by jou plaaslike AfriForum-buurtwag betrokke: SMS “Alberton” na 45342 (R1).