Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Plaasmoorde Mediaverklarings

AfriForum ondersteun familie by hof ná plaasaanval

Deur 10/02/202002/11/2020

AfriForum se Trauma-ondersteuningseenheid het Fanie en Colleen Engelbrecht se familie verlede week by die Palm Ridge-landdroshof aan die Oos-Rand ondersteun nadat dié egpaar tydens ’n plaasaanval in 2018 wreed vermoor is.

Julius Mapayi Goncalves (24) en Jossias Nhalungo (36), albei van Mosambiek, is deur regter David Makoba skuldig bevind aan moord, roof en die besit van onwettige vuurwapens. Twee ander verdagtes is egter nog op vrye voet. Die vonnisoplegging vind op 6 April 2020 plaas.

Die Engelbrecht-egpaar is op Moedersdag in 2018 wreed op hul plaas Welgevonden aan die Wes-Rand aangeval. Colleen is met ’n strykyster gebrand en met die koord verwurg en Fanie se keel is afgesny. Die skuldiges het met ’n tabletrekenaar, selfoon, kontant en twee vuurwapens gevlug.

“Dit is vir die Trauma-ondersteuningseenheid belangrik om slagoffers van geweldmisdaad en hulle families by te staan. Dit is verskriklik traumaties vir slagoffers om in die hof te verskyn. Hulle herleef nie net die tragiese gebeure waardeur hulle of hul geliefdes is nie, maar verstaan ook nie altyd die prosesse of tegniese aspekte van die hof nie. Ons wil dié proses ’n bietjie makliker vir hulle maak,” sê Magda Coetzee, ondersteuningsbeampte by AfriForum se Trauma-ondersteuningseenheid.

Stuur ’n e-pos na trauma@afriforum.co.za vir meer inligting oor die Trauma-ondersteuningseenheid.