Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Artikels | Forum Nuus

AfriForum groei in 13 jaar tot 212 000 lede

Deurafriforum 24/08/201802/11/2020

Die burgerregtewaghond AfriForum het oor ’n tydperk van 13 jaar tot 212 000 lede gegroei.

William Waugh, adjunk- uitvoerende hoof van operasionele sake by AfriForum, het tydens die organisasie se nasionale kongres ’n oorsig gegee oor waar die organisasie begin het en wat die planne vir die toekoms is.

Vanaf 2015 het dit om verskeie redes moeiliker geword om nuwe lede by te kry. AfriForum het bepaalde strategieë wat hy volg ten opsigte van ledewerwing en ledebehoud. Een van die uitdagings vir die toekoms is om jongmense betrokke te kry. AfriForum se lede verteenwoordig tans 60% vroue en 40% mans. Altesame 66% van lede is tussen 40 en 70 jaar oud. Wat geografiese verspreiding betref, is 52% lede in Gauteng en die Wes-Kaap.

Waugh het daarop gewys dat AfriForum nie soos enige ander organisasie in die land is nie. ’n Bepaalde kommunikasiestrategie word gevolg, ook wat lede betref.

Verder fokus AfriForum op goed deurdagte planne, goeie finansiële begrotings, strukturele en datastelsels, innoverende denke, roepingsgedrewe personeel en vrywilligers waarsonder die organisasie nie so sterk sou wees nie.

Hy het ook na die talle vennootskappe en samewerkingsooreenkomste verwys wat AfriForum met ander instansies en organisasies het. “Ons weet niks gebeur sonder harde werk nie. Wanneer mense my vra wat AfriForum bied, is my antwoord: Toekomsversekering.”

Talle projekte en veldtogte fokus op taal, plaasmoorde, plaaslike regeringsake, veiligheid, kultuur en identiteit en geskiedenis en erfenis en geregtigheid.